Kári P. Højgaard: Full heimild at lova CIP endurgjald

bannari
14.10.2013 - 10:28
AktueltVinna
Kári P. Højgaard: Full heimild at lova CIP endurgjald
Fyrrverandi landsstýrismaðurin í innlendismálum hevur svarað landsstýrismálanevndini, sum kannar málið
 

Løgfrøðiliga tilráðingin hjá Kára P. Højgaard, landsstýrismanni, segði, at hann hevði fulla heimild at lova Copenhagen Infrastructure Partners eina millión krónur fyri útreiðslurnar hjá felagnum, fekk felagið ikki endaligt svar frá landsstýrinum um Eysturoyartunnilin fyri 31.august.

Tað sigur Kári P. Højgaard í svari sínum til Landsstýrismálanevndina. Nevndin vildi eisini hava at vita frá honum, hví hann ikki brúkti eitt svar hjá Landsverki, tá hann svaraði einum spurningi frá løgtingsmonnunum Høgna Hoydali og Akseli V. Johannesen um Eysturoyartunnilin.

- Hvussu nógv skal føroyska samfelagið gjalda eyka um árið, tá eitt privat felag skal hava vinning av fígging og rakstri, samanborið við, um landið sjálvt stóð fyri arbeiðinum, spurdu tingmenninir.

1,9 til tríggjar milliardir

Sambært Landsverki verður tunnilin 1,9 til tríggjar milliardir krónur dýrari sum privat verkætlan. Í mars í fjør var metingin, at privata ætlanin var 800 milliónir krónur dýrari, sigur Kári P. Højgaard í svarinum til Landsstýrismálanevndina. Men tað segði hann ikki í svarinum til Høgna Hoydal og Aksel V. Johannesen.

Kári P. Højgaard sigur, at Landsverk hevði onga frágreiðing um váðan samabornan við rentuna, sum CIP krevur.

- Tí helt eg sum landstýrismaður ikki, at eg kundi leggja navn til, at spurningurin bleiv svaraður, sum Landsverk mælti til, sigur Kári P. Højgaard.

Seta fingramerki á svar

Hann heldur ikki, at landsstýrisfólk eiga at lata svar hjá embætisfólki fara víðari, uttan at landsstýrisfólkið setir síni fingramerki, sum hann sigur, á tey. Landstýrisfólk hava endaligu ábyrgdina av, at svarini, sum fara út úr húsinum, eru røtt. Skulu landstýrisfólk geva tað svar, sum embætisfólkini koma við, verða tey bara "ein stempulmaskina,“ sigur Kári P. Højgaard.

Men Landsstýrismálanevndin kannar, um hann hevur dult týðandi upplýsingar fyri løgtinginum, upplýsingar, sum eru neyðugar hjá tingfólki at hava fyri at kunna viðgera og taka støðu til eitt mál. Landsstýrismálanevndin hevur fund 24.oktober, og fer tá at taka støðu til svarið hjá Kára P. Højgaard.

 
Nýggjastu sendingar í ÚV
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Mikudag 24. apríl
Ítróttasamband í 80 ár
93804
Mikudag 24. apríl
Góðan morgun Føroyar 24. apríl 2019
93797
Nýggjastu sendingar í SV
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252
Mánadag 22. apríl
Hamradun - konsert í Tvøroyrar kirkju
93477
Mánadag 22. apríl
Møti
93735