Grundlógaravhoyring verður seinnapartin

68 ára gamli maðurin, sum er handtikin, undir illgruna fyri at hava beint fyri einum 61 ára gomlum manni í einum húsum í Marknalíð í Havn, kemur fyri rættin klokkan 15 seinnapartin. Tá verður grundlógaravhoyring í málinum. Ákæruvaldið fer væntandi at krevja skuldsetta mannin varðhaldsfongslaðan.

SÍ EISINI Báðir menninir búðu í húsunum her

Løgreglan fekk seint í gjárkvøldið boð um, at ein 61 ára gamal maður varð funnin deyður á bústaði sínum.

Ikki nátúrligan deyða

Tá løgreglan og sjúkrabilur komu á staðið, var greitt, at tann 61 ára gamli maðurin ikki er deyður á nátúrligan hátt. Løgreglan tók stutt eftir ein 68 ára gamlan mann, sum er skuldsettur í málinum, tí hann er undir illgruna fyri at hava beint fyri tí 61 ára gamla manninum.

SÍ EISINI Løgreglan kannar illgrunasamt deyðsfall í Havn

Serfrøðingar frá Kriminalteknisku deild hjá Ríkispolitinum og ein rættarlækni koma til Føroyar í dag at kanna umstøðurnar nærri saman við politistum frá kanningardeildini í Føroyum.