Herleif Hammer verður rektari í Hoydølum

Bjørn Kalsø, landsstýrismaður í mentamálum, hevur gjørt av at seta Herleif Hammer í starvið sum rektari í Føroya Studentaskúla og HF-skeiði frá 1. januar 2014 at rokna.

Herleif Hammer hevur verið virkandi rektari, síðani Mikkjal Helmsdal fór úr starvinum í summar.

Herleif Hammer er 43 ára gamal og útbúgvin cand.phil. í søgu og siðsøgu frá Fróðskaparsetri Føroya. Leiðsluroyndir hevur hann sum vararektari í 3 ár og umsitingarleiðari í 6 ár.