EFTIRLÝSING: Send okkum tínar myndir frá ódnini

Bilar knústust, eitt skip sleit og rak fyri vág og vind og húsatekjur fóru í vindinum. Ódnarveðrið hevur gjørt skaðar kring alt landið, men hvussu sær út, har tú ert ella vart í gjár?

Tókst tú myndir, tá harðast leikaði á? Ella fert tú út í morgun við myndatóli ella fartelefon, tá tað lýsir fyri degi?

Redaktiónin á kvf.fo vil fegin vísa okkara lesarum, hvørjar skaðar ódnarveðrið, sum gjørdi um seg um vikuskiftið, hevur gjørt kring alt landið.

Tí vilja vit fegin frætta frá júst tær. Send okkum tínar myndir frá ódnarveðrinum um vikuskiftið til netvarp@kvf.fo, viðmerk "Myndir frá ódnarveðrinum."

SÍ EISINI Ódnarveðrið: Her eru myndirnar frá lesarunum

Í dag savna vit myndirnar frá okkara lesarum saman og vísa tær á kvf.fo. Tú kanst eisini skriva nakrar reglur um, hvat sæst á myndunum.