Kári P. Højgaard: Andstøðan vunnið tunnilsstríðið

06.01.2014 - 12:44
AktueltPolitikkur
Kári P. Højgaard: Andstøðan vunnið tunnilsstríðið
Bæði Eysturoyartunnilin og Sandoyartunnilin verða almennir
 

Eysturoyartunnilin og Sandoyartunnilin verða almennir, og andstøðan hevur vunnið stríðið.

Tað sigur Kári P. Højgaard, formaður í Sjálvstýrisflokkinum, við tíðindaportalin In.fo.

Tá Kári P. Højgaard var landsstýrismaður í innlendismálum, arbeiddi hann burturav við einari privatari loysn fyri Eysturoyartunnilin, men so nógv rumbul stóðst av málinum, at endin varð, at løgmaður koyrdi Kára P. Højgaard frá.

Snarað 180 stig

- Nú hevur samgongan snarað 180 stig, tí loysnin, sum liggur á borðinum, er ein almenn loysn burturav, sigur Kári P. Højgaard við In.fo.

Umboð fyri allar flokkar á tingi hava gjørt eitt lógaruppskot, sum í løtuni er til hoyringar hjá flokkunum. 

Tað merkir, at eitt alment partafelag verður stovnað, sum fyrst skal gera Eysturoyartunnilin og síðani Sandoyartunnilin. 

Ivast í tíðarætlan

Kári P. Højgaard ivast í, um tíðarætlanin fyri Eysturoyartunnilin fer at halda. Sambært privatu loysnini skuldi verða koyrandi í 2018, men politisk ósemja hevur seinkað verkætlanini. Felagið skal stovnast, jarðfrøðiligar kanningar skulu gerats, og arbeiðið skal bjóðast út. 

- Tí havi eg lítlar og ongar vónir um, at upprunaliga tíðarætlanin fer at halda, sigur Kári P. Højgaard við In.fo.

 
Nýggjastu sendingar í ÚV
Týsdag 25. juni
Morgunlestur týsdagur 25. juni 2019
95938
Mánadag 24. juni
Norðurljóð 24. juni 2019
95985
Mánadag 24. juni
Við seyði í fjallahagan (2:4)
95974
Mánadag 24. juni
TB fór við øllum á jóansøku
95971
Nýggjastu sendingar í SV
Mánadag 24. juni
3-2
95997
Sunnudag 23. juni
Andakt við Ara Langgaard
95929
Sunnudag 23. juni
Guðstænasta í Fámjins kirkju
95931
Leygardag 22. juni
Video: 10mf, jóansøka 2019
95919
Leygardag 22. juni
Video: 5mf kvinnur, jóansøka 2019
95918