Ferðsluvanlukkan: Avhoyringar í dag

Teir tríggir ungu menninir, sum sluppu frá ferðsluvanlukkuni á Argjum á lívi, verða í dag avhoyrdir. 

Tað var leygarnáttina, at ein Ford Mondeo fór út av vegnum á Traðagøtu á Argjum, og við nógvari ferð fór gjøgnum bøin og millum tvey hús, og víðari tvørtur um Støðlagøtu, har hann rendi á ein garð.

SÍ EISINI Ferðsluvanlukka á Argjum kravt eitt mannalív

Talan er um 100 metrar, sum bilurin hevur koyrt, eftir at hann fór útav vegnum. Ein 17 ára gomul genta, sum var í bilinum, doyði á staðnum.

Jón Klein Olsen, varapolitiinspektørur, sigur, at alt bendir á, at bilførarin ikki hevur hildið hámarksferðina.