Alifiskur størsta útflutningsvøra hjá Føroyum

21.01.2014 - 09:37
AktueltVinna
Alifiskur størsta útflutningsvøra hjá Føroyum
Alifiskurin fór nakað væl upp um tvær milliardir krónur í útflutningsvirði í fjør
Munurin millum útflutning og innflutning tódnaði næstan eina milliard í fjør
 

Til 1.desember í fjør var alifiskur útfluttur fyri tvær milliardir og 260 milliónir krónur, sum eru góðar 600 milliónir meira enn í 2012.  

Orsøkin er ikki størri nøgd, men betri prísur. Tí tonsini vóru bara 389 fleiri í fjør.

Alifiskur er vorðin nógv tann størsta útflutningsvøran hjá Føroyum.

Onnur fiskasløg

Uppsjóvarfiskur, so sum makrelur og sild, varð seldur fyri eina milliard og 320 milliónir til 1.november. Og tað er sama tal sum í 2012.

Sambært tølum hjá Hagstovuni varð botnfiskur, so sum toskur og upsi, útfluttur fyri eina milliard og 113 milliónir krónur í fjør, sum eru góðar 60 milliónir minni enn í 2012. Til 1.desember í fjør útfluttu Føroyar fyri fimm milliardir og 660 milliónir krónur, yvir 490 milliónir meira enn í 2012. Vøksturin var tíggju prosent.

Samstundis minkar innflutningurin. Hann var góðar 480 milliónir minni í fjør enn í 2012. Minkingin er átta prosent. Munurin millum útflutning og innflutning tódnaði næstan eina milliard í fjør.

 
Nýggjastu sendingar í ÚV
Leygardag 17. august
Úr Fámjin til Trongisvágs (2:3)
97730
Fríggjadag 16. august
"Kveik Ung" verkstova
97734
Nýggjastu sendingar í SV
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257
Mikudag 7. august
Úr savninum: Frætt & fregnað (5:11)
16490