Lisbeth Petersen úr Sambandsflokkinum

Hon hevur verið forkvinna, borgarstjóri, løgtingslimur og fólkatingslimur fyri Sambandsflokkinum, men nú hevur hon meldað seg úr flokkinum.

Lisbeth L. Petersen stillaði upp fyrstu ferð til býráðsvalið í Havn í 1984, og hon bleiv fyrsta kvinna yvirhøvur, sum varð vald fyri Sambandsflokkin.

Hon sat eisini sum borgarstjóri í Tórshavnar Kommunu frá 1992 til 1996.

Lisbeth L. Petersen varð vald á ting í 1990, og hon sat á løgtingi til 2008.

Hon var formaður fyri Sambandsflokkin frá 2001 - 2003 og sat á Fólkatingi frá 2001 til 2005.

Henni stóð eisini í boði at gerast løgmaður eftir valið í 1994.