Byrta og Týr stóru vinnararnir á FMA

BYRTA og Týr vunnu hvør sínar tríggjar FMA-heiðurslønir. Týr vann fyri "Ársins bólkur", "Ársins fløga" og "Ársins húsi" í bólkinum " Rock/Málm, Jazz, Blues og Folk" fyri teirra útgávun "Valkyrja". BYRTA var tilnevnt í "Popp" bólkinum og vann heiðurin "Ársins fløgu" og "Ársins bólkur". Harumframt vann BYRTA heiðurin sum "Ársins nýggi bólkur".  

Tvey yvirraskilsi

FMA handanin borðreiddi við tveimum yvirraskilsum. Kvartettin í Betesda vann heiðurin sum "Ársins bólkur" í tí sonevndan "Opna bólkinum". Og blaðunga stjørnuskotið av Innan Glyvur, Døgg Nónsgjógv, átti ársins besta poppsang, tá hon varð heiðrað FMA-heiðurslønini fyri at hava skrivað ársins sang í "Popp bólkinum" fyri sangin "Tú tók mína hond".

21 heiðurslønir

21 FMA heiðurslønir vórðu latnar í kvøld. Eitt nú kunnu nevnast, at Simme varð heiðraður við serliga tónleikaheiðurslønini, Baroli Music fingu heiðurin sum ársins framleiðarar og HOYMA tónleikatiltakið hjá G! festivalinum vann heiðurin sum "Ársins átak".

 

VINNARAR Á FMA 2014

 

Rock/Málm, Jazz, Blues og Folk bólkur

Ársins sangari/einleikari:

Jón Aldará

 

Ársins bólkur/einstaklingur:

Týr

 

Ársins fløga:

Týr – Valkyrja

 

Ársins sangur:

Marius og Svavar Knútur – Tokan

 

----------------

 

Opin bólkur

Ársins einleikari/bólkur:

Kvartettin í Betesda

 

Ársins fløga:

Eivør – Skrímslið, lítla systir mín

 

Ársins lag/verk:

Eivør – Lurta nú

 

----------------

Popp bólkur

 

Ársins sangari:

Hallur Joensen

 

Ársins songkvinna:

Greta Svabo Bech

 

Ársins fløga:

Byrta – Byrta

 

Ársins sangur:

Døgg Nónsgjógv – Tú tók mína hond

 

Ársins bólkur/einstaklingur:

Byrta

 

Ársins nýggi bólkur/einstaklingur

Byrta

 

Ársins tekstur:

Jóanes Nielsen – Lívið er júst, sum tað er

Ársins framleiðari:

Baroli Music

 

Ársins átak:

Hoyma

 

Ársins tónleikaheiður:

Simme

 

Ársins videolag:

Greta Svabo Bech – Broken Bones

 

Ársins húsi:

Týr – Valkyrja

 

Ársins live bólkur/einstaklingur:

Swangah