Fólkatalið í Sandoynni veksur aftur

13.06.2014 - 14:51
AktueltSamfelag
Fólkatalið í Sandoynni veksur aftur
Í Tórshavnar kommunu búgva nú meiri enn 20.000 fólk
 

Líkt er til, at tann støðuga fólkaminkingin í Sandoynni seinastu árini nú umsíðir er steðgað.  Ið hvussu bendir nýggjasta uppgerðin hjá Hagstovuni yvir fólkatalið í Føroyum á tann bógvin. 

Sambært uppgerðini búðu 1231 fólk í Sandoynni 1. apríl í ár sammett við 1230 sama dag í fjør. Sostatt er fólkatalið í hesum tíðarskeiði vaksið við einum fólki - og tað er langt síðani, at tað er hent seinast, skrivar Sandportal.fo. 

1274 fólk í sýsluni

Fólkatalið í Sandoyar sýslu, íroknað Skúvoy og Stóru Dímun, er tilsamans 1274 fólk - eitt fólk meira enn fyri einum ári síðani. 

Sands kommuna er tó tann einasta,av teimum fimm kommununum í Sandoyarøkinum, ið hevur fólkavøkstur. Í kommununi búgva nú 514 fólk ella 15 fleiri enn somu tíð í fjør.

Í Skúvoyar kommunu, ið eisini fevnir um Stóru Dímun, er fólkatalið óbroytt samanborið við einum ári síðani. Har búgva nú 43 fólk - 34 í Skúvoy og níggju í Stóru Dímun. 

Í hinum trimum kommununum er fólkatalið minkað. Í Skopun við tveimum niður í 457, í Húsavíkar kommunu, sum eisini fevnir um Dal og Skarvanes, er ein fluttur úr kommununi, og har búgva nú 120 fólk. Í Skálavík eru 11 flutt, og har búgva nú 140 fólk. 

223 fleiri í øllum landinum

Í Føroyum búgva nú 48.359 fólk ella 223 fleiri enn fyri einum ári síðani. 

Í størstu kommununi, Tórshavnar kommunu, búgva nú 20.015 fólk, og tað eru 218 fleiri, enn somu tíð í fjør. 

 
Nýggjastu sendingar í ÚV
Hósdag 25. apríl
Flaggdagsrøðan 2019: Erika Hayfield
93844
Hósdag 25. apríl
Nón - 25.04.2019
93843
Hósdag 25. apríl
Morgunlestur hósdagur 25. apríl 2019
93371
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Nýggjastu sendingar í SV
Hósdag 25. apríl
Sí sendingina: »Sjá, tú blánar«
16309
Hósdag 25. apríl
Fyrsta FM finalan KYNDIL - VÍF, kvinnur
93821
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252