Eftirlýsir kunning um grindadráp frá landsstýrinum

05.09.2014 - 07:25
AktueltSamfelag
Eftirlýsir kunning um grindadráp frá landsstýrinum
Rigmor Dam fer mikudagin at spyrja løgmann, um landsstýrið ætlar at kunna umheimin um grindadráp
Fjølmiðlarnir fáa ikki nakað svar um miðlastrategiina, so nú ætlar Rigmor Dam at spyrja løgmann í løgtinginum
 

Mikudagin fæst kanska at vita, hvørja ætlan, landsstýrið hevur um at kunna umheimin um grindadráp. Ella, um landsstýrið hevur nakra ætlan yvirhøvur.

Rigmor Dam, løgtingskvinna í Javnaðarflokkinum, fer at spyrja Kaj Leo Holm Johannesen, løgmann, tá løgtingið mikudagin fyri fyrstu ferð í hesari tingsetuni hevur munnligar fyrispurningar.

Rigmor Dam spyr løgmann, hvør kunningar- og miðlastrategiin hjá landsstýrinum er í aktuella grindamálinum, nú felagsskapurin Sea Shephard hevur - sum tingkvinnan sigur í spurninginum - hertikið vágir og víkir kring Føroya land og spjaðir lygnir og søgur um fólkið, her býr.

Fjølmiðlar fáa ikki svar 

Rigmor Dam sigur, at higartil hevur ikki hepnast miðlunum at fáa løgmann at grundgeva fyri miðlastrategi landsins. 
Og tí ætlar hon nú at spyrja løgmann í løgtinginum.

Rigmor Dam sigur, at so leingi, landsstýrið einki ger við málið, átaka leikfólk sær at verja okkara áhugamál í miðlum og á sosialum netverkum, í mongum førum til lítlan sóma. 

Landsstýrið átti at lagt til brots við einum úrvalsliði av eldhugaðum kunningarfólki, sum fóðrar altjóða pressuna dag sum nátt, og svarar áganginum á sosialu netverkunum aftur, so hvørt hann dagar fram, sigur Rigmor Dam, løgtingskvinna. 
 

  

 
Nýggjastu sendingar í ÚV
Hósdag 18. apríl
Rómi og ross løgdu støðið (1:2)
93584
Mikudag 17. apríl
Mono: West Coast Hip Hop
93652
Mikudag 17. apríl
Góðan morgun Føroyar 17. apríl 2019
93644
Mikudag 17. apríl
Morgunlestur mikudagur 17. apríl 2019
93382
Nýggjastu sendingar í SV
Hósdag 18. apríl
Andaktin
93668
Hósdag 18. apríl
Guðstænasta úr Mikladals kirkju
93669
Mikudag 17. apríl
Minnist tú enn? (6:13)
19504
Mikudag 17. apríl
25 minuttir: Julie Sass
93251
Mánadag 15. apríl
3-2
93571