1000 kr. í bót fyri at órógva grindaraksturin

08.09.2014 - 08:23
AktueltSamfelag
1000 kr. í bót fyri at órógva grindaraksturin
Stuðulsfólk hjá Sea Shepherd dømd fyri at bróta grindakunngerðina og politiviðtøkuna. Dómurin kann lesast á www.sorinskrivarin.fo
 

Seks stuðulsfólk hjá Sea Shepherd fingu 1.000 kr. í bót hvør fyri at órógva grindaraksturin á Sandi næst seinasta leygardag.

Rinda tey ikki bótina, skulu tey sita í seks dagar í staðin fyri.

Fólkini eru dømd fyri at bróta grindakunngerðina og politiviðtøkuna.

Av tí at talan er um politimál, ber ikki til at skjóta dómarnar inn fyri Landsrættin uttan við loyvi frá Processbevillingsnævnet. 

Tey seks stuðulsfólkini, fýra kvinnur og tveir menn, hjá Sea Shepherd, vórðu tikin á sandinum heima á Sandi næst seinasta leygardag, tá grind varð hildin til har. 

Fólkini, sum eru millum 23 og 40 ára gomul, vóru ákærd fyri at bróta kunngerðina um grind og politiviðtøkuna.

Ákæruvaldið kravdi, at tey vórðu dømd at rinda 1.000 kr. hvør í bót.

Vrakaðu sektaruppskot

Tað fingu tey í sektaruppskoti frá fútanum, men noktaðu at taka við. Tí fóru mál teirra í rættin.

Ákæruvaldið kravdi eisini, at løgreglan sleppur at hava myndatólini, sum vórðu tikin frá fólkunum, og kanna myndirnar í teimum.

Fólkini hava fingið myndatólini aftur.       

Noktaðu seg sek

Tey játtaðu øll at hava verið á sandinum og úti í sjónum, tá grindin nærkaðist. Men tey noktaðu seg sek og kravdu frídøming.

Átta onnur fólk vórðu tikin á Sandi, tá grind var har. Tey vóru í trimum bátum hjá Sea Shepherd. Politiið tók bátarnar og hevur teir enn. 

Tey átta fólkini skulu í Føroya rætt tann 25.september.

Støða er ikki enn tikin til, um áheitan verður send Útlendingastýrinum um at vísa stuðulsfólkunum hjá Sea Shepherd úr Føroyum.

 

 

 
Nýggjastu sendingar í ÚV
Mikudag 1. apríl
Nón 1. apríl 2020
107084
Mikudag 1. apríl
Áðrenn Elvis: Tema um djór
107076
Nýggjastu sendingar í SV
Hósdag 2. apríl
Einki eitur klokka
107182
Mikudag 1. apríl
Savnsgull: Ymisk lív
57373
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848