Lundin í Mykinesi framvegis friðaður

Lundin í Mykinesi framvegis friðaður
Friðingin av lunda í Mykinesi, ið varð sett í verk á sumri 2012, stendur við, hóast fleiri lundapisur nú síggjast í holunum
Friðingin av lunda í Mykinesi stendur framvegis við, tvey ár eftir at lundin varð friðaður á grannastevnu í oynni
 
16.09.2014 - 12:01

<p>Fleygingarstengurnar í Mykinesi hava ikki verið brúktar í tvey ár, og tað verða tær heldur ikki fyribils - í øllum førum ikki til lundaveiðu&nbsp;í vestastu oynni í landinum.</p>

<p>Fyribils friðingin av lundaveiðu í Mykinesi, ið varð samtykt á grannnastevnu í oynni í juli mánað 2012,&nbsp;stendur framvegis við, sigur Finnbogi Midjord, sýslumaður.</p>

<p>Bygdafólkið avgjørdi, saman við sýslumanninum, fríggjakvøldið, at friðingin av lunda stendur við, og at støða aftur verður tikin, tá næsta grannastevnan verður hildin.</p>

<p><strong>Meira lundi sæst</strong></p>

<p>Tað sæst meira lundi í lundaholunum í Lamba, stutt áðrenn komið verður út í hólmin í Mykinesi. Kortini stendur friðingin av lundanum í oynni framvegis við.</p>

<p>- Teir hava talt 96 lundapisur í holunum í summar, so tað er ein ábending um, at tað stendur betri til við lundanum í Mykinesi, enn tað hevur gjørt í fleiri ár, sigur Finnbogi Midjord.</p>

<p>Tað er kortini ov tíðliga at loyva lundaveiðu í Mykinesi aftur, sigur sýslumaðurin, tó at tað gongur tann rætta vegin, og fleiri lundapisur eru at síggja í lundaholunum.</p>

Er kopiera
Nýggjastu sendingar í ÚV
Mikudag 23. juli
Morgunlestur mikudagur 23. juli 2025
194846
Týsdag 22. juli
Morgunlestur týsdagur 22. juli 2025
194833
Mánadag 21. juli
Poppverturin
194207
Nýggjastu sendingar í SV
Mikudag 23. juli
194845 - teknmálstulkað
194872
Mikudag 23. juli
194550 - teknmálstulkað
194868
Týsdag 22. juli
Veðrið
194844