Seks Sea Shepherd-limir útvístir

16.09.2014 - 16:55
Aktuelt112
Seks Sea Shepherd-limir útvístir
Seks limir í djóraverndarfelagsskapinum, Sea Shepherd, eru útvístir úr Føroyum, og fáa ikki innferðarloyvi aftur fyrr enn um eitt ár.
 
 

Talan er um tey seks, sum í farnu viku fingu 1.000 kr. í bót, tí tey høvdu brotið grindakunngerðina og politiviðtøkurnar fyri Føroyar. 

Spurningurin um at útvísa teir hevur verið til viðgerðar hjá útlendingarstýrinum, sum í dag hevur tikið støðu í málinum. 

Grundgevingin hjá útlendingarstýrinum er, at tey hava verið til ampa og skapt órógv í almenna rúminum, og av trygdar- og heilsuligum orsøkum, verða tey søgd burtur úr Føroyum í eitt ár, boðar løgreglan frá í tíðindaskrivi. 

Fýra av teimum seks Sea Shepherd-fólkunum eru longu farin av landinum. Og annar av teimum, sum eru í Føroyum, hevur søkt um longt uppihaldsloyvi.

Peter Thaysen, chef-politiinspektørur, sigur, at maðurin fær ikki longt uppihaldsloyvi, nú hann er vístur av landinum í eitt ár.

Útvísingin og forboðið fyri at koma aftur til Føroya fær gildi, tá dómurin veður kunnaður fyri teimum.

Og tað verður hann í dag ella í morgin.

Og Interpol tekur sær av at kunna tey fýra, sum longu ERU farin úr Føroyum, sigur chef-politi-inspektørurin.

Nýggjastu sendingar í ÚV
Mánadag 18. februar
Norðurljóð 18.februar 2019
91366
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Nýggjastu sendingar í SV
Mánadag 18. februar
AdAdam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375