Aleqa Hammond biður um farloyvi

Aleqa Hammond biður um farloyvi
Landsstýrisforkvinnan og landstingslimurin vil í farloyvi, meðan fíggjarviðurskifti hennara mótvegis landin verða kannað
 
30.09.2014 - 08:12

Málið kemur til viðgerðar í landstinginum, eftir at Aleqa hammond hevur hildið setanarrøðuna, nú landstingið kemur saman aftur, upplýsir landstingsformaðurin, Lars Emil Johansen, við blaðið Sermitsiaq.

Hann sigur seg rokna við, at umbønin frá Alequ Hammond verður gingin á møti.

Nýtti pening til privat endamál

Aleqa Hammond er komin í polittiskt ódnarveður, eftir at eitt skjal hjá landsgrannskoðanini vísti, at hon hevði nýtt góðar 106.000 kr. úr landskassanum til egnar útreiðslur. Tað var í apríl í fjør.

Og hóast hon fleiri ferðir er rykt eftir pengunum, rindaði hon teir ikki aftur fyrr enn 8. september í ár.

Inuit Ataqatigiit hevur boðað frá einum misálitisuppskoti á Alequ Hammond.

Nú er eisini komið undan kavi, at fyrrverandi landsstýrisformaðurin úrInuit Ataqatigiit, Kupiik Kleist, skyldar landskassanum 25.000 kr. Hann hevur í tí sambandi, skrivliga, sagt tingsessin fyri Inuit Ataqatigiit í landstinginum frá sær.

Er kopiera
Nýggjastu sendingar í ÚV
Nýggjastu sendingar í SV
Hósdag 27. februar
Hvíta gullið
188389
Hósdag 27. februar
DOKO1423 - teknmálstulkað
188375
Hósdag 27. februar
Morgunkórið
188372
Mikudag 26. februar
Ein søga um 45 ár
188344