- Tíðindi, mentan og ítróttur
Frambrot í sambandi við ebola
![](https://kvf.fo/sites/default/files/styles/grein-ovasta-mynd/public/ebola_0.jpg?itok=WGRF8lDg)
Í eini roynd at niðurberja ebola-sjúkuna, hava kanadiskir og amerikanskir granskarar í meira enn 10 ár arbeitt við at ment eina koppseting.
Granskingin hjá teimum er nú komin so langt, at í hesi vikuni verða 800 koppsetingarroyndir sendar úr Kanada til Vesturafrika. Tað skrivar The Conversation.
Nýggja koppsetingin hevur navnið VSV-EBOV, vesicular stomatitis virus - ebolavirus, sum er ein genspleisað virus, sum hevur basis í djóravirusinum, VSV, sum sprottin úr rabies-virussini.
Royndir við góðum úrslitum
Granskarar hava staðfest, at júst henda virus kann gera mótstøðuevni móti ebola-sjúkuni.
Royndir eru gjørdar VSV-EBOV á djórum, sum vórðu smittað við ebola, og VSV-EBOV vísti seg at virka 100 prosent á øllum royndardjórunum, fýra vikur eftir at tey vórðu smittað, skrivar heimasíðan: theconversation.som.
Her kanst tú lesa greinina um ebolakoppsetingina
Sambært heimasíðuni, er bara neyðugt við lítlari nøgd av koppsetingini, og trygdar-profilurin er høgur, - eisini hjá djórum við vánaligari immunverju.
Tað er enn ikki greitt, hvørji øki í VesturAfrika royndar-koppsetingar verða sendar til. Koppsetingin er tó ikki góðkend enn.