Tryggingin fær ikki selt svartkalvan hjá Ågot

28.10.2014 - 07:52
AktueltVinna
Tryggingin fær ikki selt svartkalvan hjá Ågot
Heilsufrøðiliga starvsstovan hevur kolldømt lastina hjá Ågot, kann hvørki gevast fólki ella djórum at eta
Slættaberg rendi á Ågot í havnini í Klaksvík, og sjógvur kom í Ågot.
 
 

Tryggingarfelagið Føroyar og Heilsufrøðiliga starvsstovan bíða eftir Vinnukærunevndini, sum skal viðgera kæru frá Tryggingarfelagnum um avgerðina hjá Heilsufrøðiligu starvsstovuni at kolldøma fiskin, sum var í lastini á Ågot, tá Ågot varð ásigld í Klaksvík tann 25.februar.

Heilsufrøðiliga starvsstovan avgjørdi, at fiskurin, frystur svartkalvi, ikki kann nýtast til mannaføði ella djóraføði.

Tryggingarfelagið Føroyar, sum tryggjaði fiskin, vil hava avgerðina broytta, so fiskurin kann brúkast bæði sum mannaføði og djóraføði, ella, um ikki annað, ein partur av lastini.  

Tryggingin eigur fiskin 

Tryggingarfelagið hevur latið reiðaríinum hjá Ågot endurgjald fyri lastina og eigur tí nú fiskin.

Sum vera man vil Tryggingarfelagið hava sum mest fyri frysta svartkalvan, sum liggur á goymlsu í Klaksvík. 

Tryggingarfelagið hevur, vent sær til professionellar keyparar, sum plaga at keypa frystan svartkalva. 

Tann keyparin, sum vanliga keypir frysta svartkalvan hjå Ågot, vil keypa alla lastina, um hann fær 30 prosent í avsláttri.

Men so er tað, at Heilsufrøðiliga starvsstovan sigur, at lastin kann hvørki brúkast sum mannaføði ella djóraføði.

Sannlíkt dálkaður 

Orsøkin er, at fiskurin hevur verið undir í sjógvi við kai í Klaksvík. Tí er sannlíkt, at fiskurin er dálkaður av sjógvi, olju og aðrari kemiskari dálking.

Hesa avgerð kærdi Tryggingarfelagið Føroyar til Vinnukærunevndina 8.apríl.

 

Nýggjastu sendingar í ÚV
Týsdag 18. desember
Jazzofonin 28. november 2018
89065
Týsdag 18. desember
Góðan morgun Føroyar 181218
89062
Týsdag 18. desember
Norðurljóð 18.desember 2018 "Jól 3"
89051
Týsdag 18. desember
Morgunlestur týsdagur 18. desember 2018
88938
Mánadag 17. desember
Við Tórði á túri á Kuba (2:2)
65140
Nýggjastu sendingar í SV
Sunnudag 16. desember
Guðstænasta úr Viðareiðis kirkju
89003
Sunnudag 16. desember
Andaktin
88998
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893