Uppskotið komið um misálit á Johan Dahl

04.11.2014 - 11:17
AktueltPolitikkur
Uppskotið komið um misálit á Johan Dahl
Allir fýra andstøðuflokkar standa aftan fyri uppskotið
Andstøðan hevur fyrrapartin skrivað uppskot um misálitisváttan á Johan Dahl, landsstýrismann
 

Tjóðveldi, Javnaðarflokkurin, Framsókn og Sjálvstýrisflokkurin hava gjørt uppskot um misálit á Johan Dahl, landsstýrismann í vinnumálum.

Andstøðuflokkarnir siga, at mest grundleggjandi tátturin í valdsbýtinum millum løgtingið og landsstýrið, millum lóggevandi og útinnandi valdið, er, at landsstýrisfólk standa til svars og til ábyrgd mótvegis løgtinginum fyri sínar skyldur og ábyrgdir.

Í málinum um fyrisitingina og ábyrgdina hjá landsstýrismanninum í vinnumálum av játtanini til Strandfaraskip Landsins fyri fíggjarárið 2013 hava bæði løgtingsgrannskoðararnir og Landsstýrismálanevndin staðfest álvarslig og grundleggjandi brot á lóggávuna og ábyrgdina hjá landsstýrismanninum mótvegis løgtinginum.

Sambært uppskotinum kann løgtingið á ongan hátt góðtaka tey greiðu brot, sum eru framd, og handfaring landsstýrismansins í málinum.

Løgtingið kann heldur ikki góðtaka, at løgmaður alment vælsignar brot landsstýrismansins. siga andstøðuflokkarnir.

Uppskotið verður lagt fram, tá Løgtingsskrivstovan hevur kannað tað.

 
Nýggjastu sendingar í ÚV
Mikudag 26. februar
Nón 26. februar 2020
105314
Mikudag 26. februar
Dagsoms yrking - Vakt
104579
Nýggjastu sendingar í SV
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169
Sunnudag 23. februar
Guðstænasta í Miðvágs kirkju
105167
Sunnudag 23. februar
Hondbóltur: KÍF - Neistin
105170