Skotar: Føroysk skip fiska ikki innanfyri

Skotska fiskiveiðieftirlitið, Marine Scotland, avsannaði í gjár, at føroysk og norsk uppsjóvarskip hava fiskað innan fyri 12 fjórðinga markið við Hetland.

Í heyst hava søgur gingið í Hetlandi um, at føroysk og norsk uppsjóvarskip hava fiskað innan fyri 12 fjórðinga markið við Hetland. Tað er ikki partur av avtaluni, sum ES, Noreg og Føroyar gjørdu um makrelin á grækarismessu, verður sagt.

Men í gjár segði ein talsmaður hjá Marine Scotland, at eingi prógv eru fyri hesum uppáhaldum um ólógligan fiskiskap.

Talsmaðurin legði afturat, at sjálvandi eiga útlendsk skip at sleppa inn um 12 fjórðingar at kroka.