Flogfarið sett: Snarljósið rakti tvær ferðir

Flogfarið sett: Snarljósið rakti tvær ferðir
Toran slerdi í gjár tvær ferðir niður í eitt flogfar hjá Atlantic Airways. Flogfarið er sett og sleppur ikki á flog fyribils
Eitt Airbus flogfar hjá Atlantic Airways er sett og sleppur ikki á flog aftur fyrr enn onkrir deilir eru skiftir, eftir at snarljósið rakti flogfarið tvær ferðir leygardagin
 
07.12.2014 - 11:21

Ferðafólkini umborð á einum Airbus flogfari, ið kom úr Keypmannahavn seinnapartin leygardagin, fingu ein hvøkk, júst sum flogfarið skuldi lenda í Vágum.

SÍ EISINI Eg helt okkara seinasta løta var komin

Tá flogfarið byrjaði innflúgvingina í Vágar, slerdi snarljósið niður í flogfarið hjá Atlantic Airways. Flogfarið varð kannað leygarkvøldið, og sleppur ikki á flog aftur í dag.

- Tað er vanlig mannagongd, at flogfør verða sett, eftir at tey eru rakt av snarljósinum, sigur William Smith, tekniskur leiðari hjá Atlantic Airways.

Flogførini tola at verða rakt

Hóast tað kann tykjast ógvusligt hjá teimum, ið eru við einum flogfari, ið verður rakt av snarljósinum, er tað ikki so vandamikið, sum tað kann tykjast, soleiðis sum ferðafólkini uppliva tað.

- Flogførini eru bygd til at tola, at toran slær niður í tey, so tað er eingin vandi á ferð, sigur tekniski leiðarin hjá Atlantic Airways, William Smith við útvarpið.

Onkrir deilir eru bílagdir úr Týsklandi, og tá teir deilirnir eru skiftir, kann flogfarið aftur fara í regluliga flúgving. Seinast, snarljósið rakti eitt flogfar hjá Atlantic Airways, var í 2008.

Er kopiera
Nýggjastu sendingar í ÚV
Mikudag 23. juli
Morgunlestur mikudagur 23. juli 2025
194846
Týsdag 22. juli
Morgunlestur týsdagur 22. juli 2025
194833
Mánadag 21. juli
Poppverturin
194207
Nýggjastu sendingar í SV
Mikudag 23. juli
194845 - teknmálstulkað
194872
Mikudag 23. juli
194550 - teknmálstulkað
194868
Týsdag 22. juli
Veðrið
194844