Fundast enn um fiskivinnunýskipan

07.01.2015 - 19:20

Aktuelt›Politikkur

Aftur í dag hevur bólkurin hjá samgonguni, sum roynir at finna semju um eina fiskivinnunýskipan, havt fund. Men enn er ikki komið á mál

Høgni Djurhuus

Bjarni Mohr

Bólkurin hjá samgonguni, sum roynir at finna semju um eina fiskivinnunýskipan, hevur aftur í dag havt fund. Fundur verður aftur í næstu viku

Mynd: © Tilvildarlig savnsmynd/KvF

Floksfomenninir í samgonguni hava sett 1. februar sum evsta mark fyri at finna semju um nýggja fiskivinnupolitikkin.

Jacob Vestergaard, landsstýrismaður í fiskivinnumálum, dugur ikki at siga, um tað fer at eydnast at semjast fyri 1. februar. Fundur verður aftur í næstu viku.

Í bólkinum, sum tingast um fiskivinnunýskipan, eru Jacob Vestergaard, Jørgen Niclasen og Jákup Mikkelsen fyri Fólkaflokkin, Kaj Leo Holm Johannesen, Alfred Olsen og Johan Dahl fyri Sambandsflokkin og Bill Justinussen og Jenis av Rana fyri Miðflokkin.