Smoltstøðin hjá Bakkafrosti á Viðareiði útbygd

<p>Smoltstøðin hjá Bakkafrosti á Viðareiði verður nú útbygd. Útbyggingin skal vera liðug, áðrenn eitt ár er liðið, og hon fer at gera, at Bakkafrost kann hava fýra ferðir fleiri smolt á Viðareiði enn nú.</p>

<p>Bakkafrost hevur gjørt sáttmála við byggifelagið Articon um at útbyggja á Viðareiði og eisini aðrar útbyggingar á smoltstøðunum í 2016 og 2017 Smoltstøðin á Viðareiði verður útbygd við nýggjastu tøkni, sum ger, at Bakkafrost kann seta nógv størri smolt á sjógv enn nú.</p>

<p>Tað ger, at laksurin verður styttri tíð í sjónum, og tað minkar um váðan fyri lús og sjúku, upplýsir Bakkafrost á heimasíðu síni.</p>