Lítil virðing fyri vápnahvíldini: Fimm latið lív

Lítil virðing fyri vápnahvíldini: Fimm latið lív
Seinasta samdøgrið hava fimm ukrainskir hermenn latið lív har eysturi í landinum, sigur ein hernaðarligur talsmaður í høvuðsstaðnum Kijev
Vápnahvíldin, sum kom í gildi í Ukraina sunnunáttina, er skotin niður. Fimm ukrainskir hermenn hava latið lív síðan avtalan kom í gildi á midnátt leygarkvøldið
Mynd: AP  
 
17.02.2015 - 14:50

14 hermenn eru særdir. Hermenninir lótu lív í býnum Debaltseve nærindis Donetsk, har harðir bardagar hava verið millum russiskt sinnaðu uppreistrarmenninar og ukrainskar stjórnarherdeildir, síðani vápnahvíldin kom í gildi sunnunáttina.

Í nátt gjørdu politisku leiðararnir í Russlandi, Ukraina og Týsklandi semju um tiltøk, sum skulu tryggja, at eygleiðarar sleppa inn í Debaltseve.

Greinin heldur fram niðanfyri

Sambært einum talsmanni fyri týsku stjórnina viðgjørdu russiski forsetin, Vladimir Putin, ukrainski forsetin, Petro Porosjenko, og týski samveldiskanslaran spurningin um at taka tungu vápnini úr krígsherjaða økinum.

Sambært talsmanninum verður farið at taka tungu vápnini aftur í dag. Men Ukraina hevur aftrað seg við at taka tungu vápnini aftur, tí landið sigur, at russiskt sinnaðu uppreistrarmenninir leypa á í heilum.

Greinin heldur fram niðanfyri

Uppreistrarmenninir siga tað sama um Ukraina, og at teir eru noyddir at svara aftur. Tí ætla uppreistrarmenninir ikki einvíst at taka síni vápn aftur, skrivar Reuters.

Er kopiera
Nýggjastu sendingar í ÚV
Nýggjastu sendingar í SV
Sunnudag 2. mars
Guðstænasta úr Hoyvíkar kirkju
188513
Fríggjadag 28. februar
Veðrið
188455
Fríggjadag 28. februar
Dagur og vika - teknmálstulkað
188428
Fríggjadag 28. februar
Heim, kæra heim (3:3) - teknmálstulkað
188417
Hósdag 27. februar
Hvíta gullið
188389