400 milliónir í avlopi

20.02.2015 - 09:05
Aktuelt
400 milliónir í avlopi
Føroyski handilsjavnin hevði 400 milliónir krónur í avlopi í fjør, upplýsir Hagstovan
 

Útflutningurin var 6,3 milliardir krónur og innflutningurin 5,9 milliardir krónur. 
Í 2013 var hall á handilsjavnanum. Tað var 186 milliónir krónur. Orsøkin til avlopið í fjør er størri útflutningur og minni innflutningur.

Laksaútflutningurin hækkaði við hálvari milliard

Í fjør varð laksur útfluttur fyri tríggjar milliardir krónur, sum var hálv milliard meira enn í 2013.
Samanumtikið var útflutningurin 174 milliónir krónur størri í fjør enn í 2013, og innflutningurin minkaði 415 milliónir krónur.

Færri skip vórðu keypt til Føroya í fjør, og tí minkaði innflutningurin so nógv.       

Hall í nógv ár

Seinastu tíggju árini hevur verið hall á handilsjavnanum øll árini uttan í 2010, 2011 og so í fjør.
Í 2007 var størsta handilsjavnahallið í søguni. Næstan hálv onnur milliard krónur, tí tað árið var útflutningurin so lítil.

Í 2012 var hallið eisini oman fyri eina milliard. Tá vóru innflutt skip og flogfør orsøkin til stóra hallið, sigur Hagstovan.

Fimm ferðir avlop í hesari øldini

Í hesari øldini hevur handilsjavnahall verið flestu árini, bara fimm ár hevur verið avlop.
Handilsjavnin er bara ein partur av viðskiftum okkara við umheimin, men nógv tann størsti einstaki parturin, sigur Hagstovan. 

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857