Tað lukkaðist triðju ferð: TAKS vann sakarmál

Tað loysti seg hjá TAKS at royna sakarmálið millum TAKS øðrumegin og Varðan í Gøtu ella P/f Vinnan hinumegin í Hægsta rætti, tá dómur varð feldur í málinum fyri løtu síðani.

Í dóminum fær TAKS viðhald í, at talan var um fjalt vinningsbýti, tá 11 partaeigarar í P/f Vinnuni seldu seldu síni partabrøv í Vinnuni til sítt egna, nýstovnaða holdingfelag.

TAKS kravdi 53,4 milliónir

Sambært Taks eiga teir 11 partaeigararnir at gjalda kapitalvinningsskatt, 53,4 milliónir kr., av søluni, og tað var eisini niðurstøðan hjá Skatta- og avgjaldskærunevndini.

Tey 11 fólkini í P/f Vinnuni góðtóku ikki hesa avgerðina. Tey avgjørdu tó í fyrstu atløgu at gjalda skattin, 53,4 milliónir kr., men tað varð gjørt undir mótmæli.

Dómur varð sagdur í Føroya rætti 14. juni 2011 og í Eystara landsrætti 7. november 2012. Báðu ferðirnar tapti TAKS sakarmálið. Nú, málið varð roynt í rættarskipanini triðju ferð, vann TAKS í Hægsta rætti.

Frætt meira um sakarmálið í útvarpstíðindunum klokkan 12:20.