- Tíðindi, mentan og ítróttur
Húsar og Klaksvíkar kommunur vilja leggja saman
Húsar og Klaksvíkar kommunur vilja leggja saman
Húsa Kommuna og Klaksvíkar Kommuna samráðast nú aftur um at leggja saman
![](https://kvf.fo/sites/default/files/styles/grein-ovasta-mynd/public/husar.jpg?itok=PQd6P7UB)
24.04.2015 - 20:28
Fleiri fundir hava verið millum umboð fyri bæði kommunustýrini, og mánakvøldið var borgarafundur í bygdarhúsinum á Húsum, har eisini umboð fyri báðar kommunurnar vóru til staðar.
Meginparturin av teimum 49 íbúgvunum í Húsa Kommunu møttu, og semja var um at halda fram við samráðingunum.
Krav um skúlagongd
Sum skilst krevur Húsa Kommuna millum annað at fáa vissu fyri, at børnini frá 1. til 7. flokk framhaldandi sleppa ganga í skúla í Húsa Kommuna, og hesum kravi hevur Klaksvíkar Kommuna munnliga givið lyfti um.
Í 2012 samtykti meirilutin í bygdarráðnum í Húsa Kommunu at leggja saman við Klaksvíkar Kommunu; men hetta bleiv kortini av ongum.
Nýggjastu sendingar í ÚV
Nýggjastu sendingar í SV