Spyr um minstu stødd á valstøðum

27.04.2015 - 10:55
Spyr um minstu stødd á valstøðum
Løgtingsmaður vil hava landsstýriskvinnuna í almannamálum at siga sær, hvussu líður arbeiðinum at broyta minstu støddina á valstøðum í Føroyum
Hvussu langt er arbeiðið komið við at broyta markið fyri minstu stødd á valstøðum? Tað vil løgtingsmaður hava landsstýriskvinnuna í almannamálum at svara
 

Hvussu langt er arbeiðið komið við at broyta markið fyri minstu stødd á valstøðum? Tað vil Helgi Abrahamsen, løgtingsmaður fyri Sambandsflokkin, hava at vita frá Anniku Olsen, landsstýriskvinnu.

Helgi Abrahmsen spyr eisini, um roknast kann við, at markið fyri minstu stødd verður broytt fyri komandi løgtings- og fólkatingsval, sum skulu vera í seinasta lagi í heyst.

Í viðmerkingunum sigur løgtingsmaðurin, at ein meginregla í vallógini er, at valið skal vera loyniligt. Men av tí at summi valstøð hava sera fáar veljarar, ber í teimum førum næstan til at seta navn á, hvør eigur hvørja atkvøðu.

Minstamarkið hjá valstøðum er 10 veljarar

Í vallógini er ásett, at einki valstað kann hava færri enn tíggju veljarar. Tað eru bara tríggir veljarar fleiri enn tað eru flokkar í løgtinginum. Hetta er ein sera óheppin støða fyri demokratiið á smáplássunum, heldur Helgi Abrahamsen.

Hann hevur tvær ferðir áður reist fyrispurningin um broytingar í vallógini, men enn er einki hent, sigur Helgi Abrahamsen, sum nú ótolnast, tí val nærkast í hvørjum.

- Tað kann ikki passa, at landsstýrið ikki vil loyva veljarum á smáplássum at velja á loyniligum vali, sigur Helgi Abrahamsen. Hann vil eisini hava at vita, hví tað tekur so langa tíð at broyta minsta markið.

Helgi Abrahamsen heitir á Anniku Olsen, landsstýriskvinnu, um at bera so í bandi, at atkvøðurnar á teimum minstu valstøðunum á komandi løgtings- og fólkatingsvali verða taldar saman við einum størri valstaði.

 
Nýggjastu sendingar í ÚV
Týsdag 22. oktober
Breddin
100179
Týsdag 22. oktober
LEITISSTEIN 21.10.2019
100168
Týsdag 22. oktober
Góðan morgun, Føroyar 22. oktober 2019
100166
Týsdag 22. oktober
Góðan morgun, Føroyar 21. oktober 2019
100164
Nýggjastu sendingar í SV
Týsdag 22. oktober
Ræðsla í gomlum læknahúsum
100158
Mánadag 21. oktober
3-2
100128
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta í Eiðis kirkju
100076
Hósdag 17. oktober
Flaggsigling 2019 1:2
100020