- Tíðindi, mentan og ítróttur
Illveðrið seinkar brúnna um Sandá
Illveðrið seinkar brúnna um Sandá
Brúgvin um Sandá verður ikki liðug á ólavsøku sum ætlað
![](https://kvf.fo/sites/default/files/styles/grein-ovasta-mynd/public/brugv_um_sanda.jpg?itok=M-3rPjOi)
11.05.2015 - 11:22
Enn ber ikki til at siga, nær brúgvin verður tikin í nýtslu, tí fyrst skulu bygginevndin og borgarstjórin kunnast um málið, sigur Boði Haraldsson, býarverkfrøðingur í Havn.
Ringa veðrið í vetur er ein orsøk til seinkingina, og arbeiðstakarin fær nakrar dagar góðskrivaðar fyri vánaligt veður, sigur hann.
Brúgvin og vegagerðin í sambandi við brúnna fara at kosta útivið 90 mió. kr. tilsamans. Rundkoyringarnar kosta góðar 14 milliónir og brúgvin góðar 73 milliónir krónur.
Nýggjastu sendingar í ÚV
Nýggjastu sendingar í SV