EFTA? Nei takk!

Tað er ikki rætt at søkja um limaskap í EFTA samstundis sum landsstýrið hevur samráðingar við ES um betri handilssáttmála.

Meirilutin í Uttanlandsnevndini, samgongan, mælir tí løgtinginum frá at atkvøða fyri uppskotinum hjá Tjóðveldi um at Føroyar søkja um limaskap í EFTA og á tann hátt sleppa upp í EBS-samstarvið millum EFTA og ES.

Sambært nevndarlimunum hjá samgonguni í Uttanlandsnevndini eru góðar vónir um, at nýggj avtala millum Føroyar og ES fæst í næstum.

Velja ES-avtalu framum

Meirilutin heldur tað ikki vera rætt at arbeiða við EFTA-limaskapi og møguleika fyri at gerast partur av EBS-avtaluni, samstundis sum arbeitt verður við at bøta um verandi avtalu við ES.

Javnaðarflokkurin og Framsókn taka undir við Tjóðveldi og mæla til at samtykkja uppskotið um EFTA-limaskap.

EFTA hevur 25 fríhandilssáttmálar við 35 lond.  

Í EFTA eru lond í Vesturevropa, sum ikki eru í ES. Tey eru Ísland, Noreg, Sveis og Liktinstein.