- Tíðindi, mentan og ítróttur
Ósamd um keypsprís
![](https://kvf.fo/sites/default/files/styles/grein-ovasta-mynd/public/banknordik5.jpg?itok=GQ2u2oOB)
Danska Bygningsstyrelsen og Tórshavnar kommuna eru ikki enn vorðin samd um prísin fyri bankabygningin í Húsagøtu í Havn, sum ætlanin er at keypa til politiið í Føroyum.
Hjá Bygningsstyrelsen vilja tey bara siga, at tey tosa framvegis við Tórshavnar kommunu um BankNordik-bygningin. Mannagongdin er tann, at Bygningsstyrelsen keypir, og síðani leigar politiið frá Bygningsstyrelsen.
Neyðugt at byggja um
John Kølbæk, fúti, sigur, at bygningurin hjá BankNordik í Húsagøtu er væl egnaður sum poltistøð, men neyðugt verður at byggja eina hædd omaná.
Hann heldur ikki, at nógva ferðslan í R.C. Effersøesgøtu verður nøkur forðing, tá politið skal av stað í skundi. Eina ferð var ætlanin, at byggjast skuldi ein fyribils politistøð við Karla Magnusarbreyt í Hoyvík, men tann ætlanin er slept - fyribils.
Tórshavnar kommuna keypti fyri góðum tveimum árum síðani bygningarnar hjá BankNordik. Bygningurin í Húsagøtu kostaði 40 milliónir krónur.