Kanningarstjórin: Kári og Kaj Leo brutu lógina

bannari
23.06.2015 - 14:26
AktueltPolitikkur
Kanningarstjórin: Kári og Kaj Leo brutu lógina
Hans Gammeltoft-Hansen mælir løgtinginum til at geva fyrrverandi landsstýrismanninum og løgmanni "en kritisk udtalelse"
 
 

Bæði Kári P. Højgaard, fyrrverandi landsstýrismaður, og Kaj Leo Holm Johannesen, løgmaður, brutu lógina um ábyrgd landsstýrismanna í sambandi við málið um Skálafjarðartunnilin.

Tað er niðurstøðan hjá Hans Gammeltoft-Hansen, sum hevur kannað málið fyri løgtingið.

Kanningarstjórin leggur dent á, at løgtingið hevur endaligu avgerðina, men hann mælir, at tingið samtykkir at geva bæði Kára P. Højgaard og løgmanni  "en kritisk udtalelse," sum hann málber seg.

Upplýsti ikki tøl frá LV

Hans Gammeltoft-Hansen sigur, at Kári P. Højgaard breyt lógina um ábyrgd landsstýrismanna, tí hann upplýsti ikki løgtingið um tølini, sum Landsverk var komið við í 2013. Landsverk metti, at Skálafjarðartunnilin fór at kosta millum 1,9 og 3 milliardir krónur hjá einum privatum felag at byggja. 

Upprunaliga metingin segði, at Skálafjarðartunnilin fór at kosta einar 800 milliónir kr. 

Kanningarstjórin segði, at Kári P. Højgaard hevur sagt undir avhoyringunum, at hann helt hesi tølini vera villleiðandi, og tí vórðu tey ikki upplýst í einum svari til fyrispurning frá løgtingsmonnunum, Høgna Hoydal og Akseli V. Johannesen.

Hans Gammeltoft-Hansen sigur, at fyrrverandi landsstýrismaðurin duldi ikki upplýsingarnar við vilja, men talan er um "grov uagtsomhed."

Løgmaður gjørdi avtaluna við CIP

Kanningarstjórin sigur, at  tað var í veruleikanum Kaj Leo Holm Johannesen, løgmaður, sum gjørdi avtaluna við CIP um endurgjald, og tað hevði hann rætt til at sum løgmaður, hóast Kári P. Højgaard umsat málsøkið í landsstýrinum.

Men tá fleiri fyrispurningar um málið vórðu reistir í tinginum á heysti í 2013, svaraði løgmaður, at hann hevði einki við avtaluna og gera, og tað er at geva tinginum skeivar upplýsingar, sigur Hans Gammeltoft-Hansen.

Í løtuni er tíðindafundur um niðurstøðuna hjá kanningarstjóranum. Hann verður sendur í útvarpinum og stroymaður á heimasíðuni hjá kringvarpinum, kvf.fo

Nýggjastu sendingar í ÚV
Týsdag 19. februar
Morgunlestur týsdagur 19. februar 2019
90856
Mánadag 18. februar
Norðurljóð 18.februar 2019
91366
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Nýggjastu sendingar í SV
Mánadag 18. februar
Adam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375