Føroyar vunnu í Kosovo

26.06.2015 - 18:22
ÍtrótturHondbóltur
Føroyar vunnu í Kosovo
Føroyar hava vunnið gull í Emerging Nations Cup í Kosovo
Mynd: © RTK1  
 
 

Føroyar hava vunnið Emerging Nations Cup kappingina í Kosovo.

Føroyar vunnu 27-24 á Letlandi í finaluni. Hálvleiksstøðan var 13-12 til Føroyar.

Letland var leingi á odda í fyrra hálvleiki, men stutt fyri hálvleik fingu Føroyar leiðsluna, og hon helt sær allan dystin.

Umframt ítróttarliga sigurin, hevur gullið í hesi kappingini eisini stóran fíggjarligan týdning fyri Hondbóltssamband Føroya.

Hondbóltssambandið fær umleið 150.000 krónur í reiðum peningi frá altjóða hondbóltssamgonguni, IHF.

Men tann heilt stóri vinningurin er, at Føroyar fáa allar útreiðslur goldnar til eina komandi EM-undankapping.

Ein slík undankapping kostar nógvar hundrað túsund krónur í ferðing og uppihaldi.

Tá finalan var liðug skuldu bestu leikararnir í kappingini veljast, og har vóru tríggir leikarar, sum vóru heiðraðir.

Tróndur Kragesten fekk heiðurin sum týdningarmesti leikari í kappingini (most valuable player)

Rósing Rasmussen bleiv valdur til besta vinstra vong í kappingini.

Og Áki Egilsnes varð valdur til besta høgra bakk í kappingini.

 

Nýggjastu sendingar í ÚV
Týsdag 16. oktober
Morgunlestur týsdagur 16.oktober 2018
86022
Mánadag 15. oktober
Við Tórði á túri til roysnissteinar
86442
Mánadag 15. oktober
Síðsta Skríggj 12.oktober 2018
86441
Mánadag 15. oktober
Norðurljóð 15.oktober 2018
86440
Mánadag 15. oktober
Sunnudagstónar 14. oktober 2018
86413
Nýggjastu sendingar í SV
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308