Nýggj vatnleiðing millum Skála og Glyvrar

Runavíkar kommuna hevur í eina tíð arbeitt við at flyta vatn av vestaru síðu yvir á eystaru síðu á Skálafjørðinum. 

Fyrireikingar hava verið gjørdar á landi omanfyri Skála, og eystarumegin er farið undir at fyrireika flutning av vatni millum Langanes á Glyvrum í brunnar ovarlaga í Saltangará. 

Í dag, í morgin og mikudagin verður vatnleiðingin førd tvørtur um fjørðin. Leiðingin verður sett saman á bryggjuøkinum í Runavík og sleipað fram við eystara landinum inn á Glyvrar og hiðani tvørtur um fjørðin. 

Runavíkar Havn og Kongshavnar havnastýri heita á skip og bátar um at vísa størsta varsemi, meðan arbeiðið fer fram.