Stór rokning hjá Heilsumálaráðnum í Hægstarætt

Stór rokning hjá Heilsumálaráðnum í Hægstarætt
Málið um stóru rokningina til Heilsumálaráðið fyri varðhaldsviðgerð á Sct. Hans sjúkrahúsinum í Danmark fer kanska í Hægstarætt
 
07.07.2015 - 12:27

Heilsumálaráðið hevur fingið loyvi frá Procesbevillingsnævnet at royna málið í Hægstarætti, tí talan um eitt prinsipielt mál.

Heilsumálaráðið hevur fingið danska advokatin Ole Spiermann at kanna, um ráðið hevur møguleika at vinna málið í Hægstarætti. 

Heldur advokaturin tað, verður málið sent Hægstarætti fríggjadagin.    

Talan er ikki bara um pengar, tí Heilsumálaráðið vil vita, hvat Hægstarættur heldur um, at ein danskur stovnur í Føroyum, Føroya Rættur, sendir fólk á sjúkrahús í Danmark uttan so frægt sum at siga føroysku heilsumyndugleikunum frá.

Føroyska heilsuverkið, sum hevur rættin at senda fólk á sjúkrahús í øðrum londum, fekk rokningina fyri sjúklingin, sum Føroya rættur sendi til Danmarkar.

Við sakarmálskostnaði í Føroya rætti og Eystari landsrætti, sum staðfesti dómin hjá Føroya rætti, er rokningin frá Region Hovedstaden farin upp um tíggju milliónir krónur. 

Stóra rokningin úr Danmark er fyri uppihaldið og psykiatrisku viðgerðina hjá einum filipinskum sjómanni, sum eitt nevningating í Føroya rætti í oktober í 2006 dømdi í viðgerðarvarðhald á sjúkrahúsi, tí hann stakk skiparan á frálandsskipinum Tórsvík.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652