Løgtingsvalið órógvar sigling hjá Strandferðsluni

bannari
Løgtingsvalið órógvar sigling hjá Strandferðsluni
Tað verður ein bági fyri Sandoyarsiglingina, at landsstýri og løgting ikki fáa virkað sum javnt, nú løgtingsval er skrivað út
Tað verður ein bági fyri Sandoyarsiglingina, at landsstýrið og Løgtingið ikki fáa virkað sum javnt, nú løgtingsval er skrivað út
 
04.08.2015 - 17:20

Løgtingsvalið tann 1.september ger, at Teistin noyðist at avlýsa ferðir í heyst og í vetur, tí grót liggur í innsiglini til Skopunar havn.

Ætlanin var, at Jørgen Niclasen, landsstyrismaður, skuldi biðja løgtingið um eykajáttan til Landsverk nú í august, so grótið kundi ruddast burtur sum skjótast.

Landsverk fær ikki gjørt arbeiðið í ár

Nú val er útskrivað, fær landsstýrismaðurin einki gjørt við tað. Og tað ger so, at Landsverk ikki fær gjørt arbeiðið í ár, og tað má gerast, áðrenn heystið kemur.

Jóhan Petur Abrahamsen, leiðari á Sjódeildini á Strandfaraskipum landsins, váttar, at avlýsingar hjá Teistanum kunnu væntast, tá veðrið øtlar í heyst.

Innsiglingin í Skopun er vorðin smalri, og plássið hjá Teistanum verður minni í ytra hylinum. Tá liggjandi landssynningur er, verður so nógv alda, at ikki er ráðiligt at fara inn í Skopun, so leingi grótið liggur á botninum.

Raktu við grót í summar

Ikki ber til at siga nakað um, hvussu ofta verður neyðugt at avlýsa hjá Teistanum. Skiparin avger í hvørjum einstøkum føri, um ráðiligt er at fara inn í Skopun ella út haðani.

Rakt varð við grótið fyri einum mánað síðani. Enn hevur tað ikki elvt til nakra avlýsing. Heldur ikki mánadagin, tá illfýsið annars var í Skopunarfirði. Grót liggur okkurt um 15 metrar suður úr norðara molanum í innsiglingini.

Grótið er komið úr grótkastinum uttan um havnina. Hetta er ikki fyrstu ferð, at grót liggur í innsiglingini í Skopunar havn. Landsverk vil tí hava eina varandi loysn nú og hevur biðið um eykajáttan.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585