Danskar gentur kannast fyri HPV-hjáárin

Danskar gentur kannast fyri HPV-hjáárin
1100 danskar gentur skulu nú kannast fyri HPV-hjáárin. Tær stríðast millum annað við sterka høvuðpínu hvønn dag, vísti ein kanning í apríl
Danskar gentur skulu nú kannast fyri HPV hjáárin. Í Føroyum og í Danmark verður fyrsta koppsetingin fyri krabbamein í lívmóðurhálsi givin tá gentan er 12 ár
 
31.08.2015 - 10:02

HPV-koppseting er fyri krabbamein í lívmóðurhálsi, men sjúkueyðkenni millum ungar gentur, so sum svimbul og svímilsi, hava við sær, at nógv fleiri gentur enn væntað fara lækna eftir at hava fingið koppsetingina.

Læknarnir vísa gentunum víðari til HPV-miðstøðir. Miðstøðirnar hava langar bíðilistar, og higartil hava tey havt fleiri enn 1100 gentur á vitjan, sum hava sjúkueyðkenni. skrivar Metroexpress á netinum.

Í juni mánaði setti hjá-árins-nevndin hjá evropeiska heiligvágs agenturinum eina kanning í verk av HPV-koppsetingini. Tað varð gjørt eftir tilmæli frá danska heilsustýrinum.

Meta at fyrimunirnir eru størri enn vansarnir

Danski heilsumálaráðharrin, Sofie Løhde, segði tá, at tað var best at kanna hjáárinini. Hon legði tó í sama viðfangi dent á, at koppsetingin í høvuðsheitum riggar.

SÍ EISINI Nýggj kanning varpar ljós á HPV hjáárin

Bæði nevndin fyri hjáárin og danska heilsustýrið meta, at fyrimunirnir við vaksinuni móti krabbameina í lívmóðurhálsi eru størri enn vansarnir, og mælt verður tí framvegis til, at gentur verða koppsettar.

Í Føroyum og í Danmark verður fyrsta koppsetingin fyri krabbamein í lívmóðurhálsi givin tá gentan er 12 ár.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585