Borgarstjórar vórðu valdir

bannari
Borgarstjórar vórðu valdir
Borgarstjórarnir í fýra stórum kommunum í landinum vórðu valdir í Løgtingið á valinum týsdagin. Trettan borgarstjórar vóru uppstillaðir
Heðin Mortensen, borgarstjóri í Havn, er ein av teimum fýra borgarstjórunum, ið vórðu valdir í Løgtingið á valinum í gjár
 
02.09.2015 - 09:55

Fýra borgarstjórar, ið vórðu uppstillaðir í fýra av teimum stóru kommununum í Føroyum, vórðu allir valdir í Løgtingið á valinum týsdagin.

Teir fýra borgarstjórarnir eru Heðin Mortensen úr Havn, Jógvan Skorheim í Klaksvík, Kristin Michelsen á Tvøroyri og Magnus Rasmussen í Runavík.

Tilsamans vóru 13 borgarstjórar í Føroyum uppstillaðir til løgtingsvalið. Sostatt varð triðji hvør uppstillaður borgarstjóri valdur í Løgtingið í gjár.

Landsstýriskvinna vil broyta lógina

Annika Olsen, landsstýriskvinna, segði áðrenn løgtingsvalið, at hon vil hava kommunustýrislógina broytta, so borgarstjórar ikki kunnu hava fulltíðarstarv sum borgarstjórar og sita á tingi.

- Kommunurnar umsita tung mál, eisini eldraøkið. Tí skal kommunulógin broytast, segði Annika Olsen við sjónvarpið undan løgtingsvalinum.

Sjónarmiðið hjá landsstýriskvinnuni fær eisini undirtøku millum vanliga føroyingin. 70% av teimum spurdu halda ikki, borgarstjórar eiga at vera løgtingsfólk samstundis, vísti ein kanning hjá Dimmalætting fyri viku síðani.

Er kopiera
Nýggjastu sendingar í ÚV
Leygardag 10. mai
Upp á tá - 090525
191699
Leygardag 10. mai
Vikan 10. mai 2025
191694
Leygardag 10. mai
Morgunlestur leygardagur 10.mai 2025
191025
Fríggjadag 9. mai
Vikuskiftið 9 mei 2025
191679
Nýggjastu sendingar í SV
Leygardag 10. mai
Dagur og vika - teknmálstulkað
191687
Fríggjadag 9. mai
Veðrið
191675
Fríggjadag 9. mai
KAKUMiKS (6:7)
191658
Fríggjadag 9. mai
Dagur og vika - teknmálstulkað
191644
Hósdag 8. mai
Hondbóltur: Kosovo - Føroyar
191625