Fínteljingin broytti ikki tingmannabýtið

Fínteljingin broytti ikki tingmannabýtið
Smávegis broytingar vóru, men tær ávirka ikki endaliga úrslitið.
Fínteljingin broytti einki
 
06.09.2015 - 11:00

Fínteljingin av atkvøðum eftir løgtingsvalið týsdagin, broytti einki.

Smávegis broytingar eru hendar í atkvøðutalinum hjá bæði flokkum og valevnum, men broytingarnar ávirka ikki endaliga úrslitið, ið varð kunngjørt valdagin. 

Býtið av tingfólkum er sostatt tað sama: Javnaðarflokkurin átta tinglimir, Tjóðveldi sjey, Fólkaflokkurin og Sambandsflokkurin seks og Framsókn, Miðflokkurin og Nýtt Sjálvstýri fingu tveir tinglimir í part.

Samráðingarnar um at skipa samgongu byrja aftur seinnapartin.

Umboð fyri teir fýra flokkarnar, Javnaðarflokkin, Tjóðveldi, Framsókn og Nýtt Sjálvstýri sótu út á kvøldið í gjárkvøldið og arbeiddu uppá samgongugrundarlagið.

Ætlanin er at byrja aftur at samráðast kl. fýra seinnapartin.

Úrslitini frá valinum kunnu síggjast her

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652