Løgtingsformaður valdur

Einki mótuppskot var til Páll á Reynatúgvu, sum eitt samt Løgting valdi til løgtingsformann komandi fýra árini.

- Eg fari at gera alt, eg eri mentur at umboða bæði andstøðu og samgongu í starvinum, segði Páll á Reynatúgvu, tá hann varð tilnevndur í Løgtinginum.

Eftir at Løgtingið einmælt hevði samtykt nýggja løgtingsformannin, tá tingið var ðsett klokkan 10, varð formansskapurin í Løgtinginum næstu fýra árini eisini valdur.

Heðin Mortensen úr Javnaðarflokkinum er 1. næstformaður, Edmund Joensen úr Sambandsflokkinum er 2. næstformaður og Jógvan á Lakjuni úr Fólkaflokkinum er 3. næstformaður í formansskapinum.