Limir í SU taka seg eisini úr Javnaðarflokkinum

bannari
16.09.2015 - 13:20
AktueltPolitikkur
Limir í SU taka seg eisini úr Javnaðarflokkinum
Enn eina ferð varð politikkurin lagaður eftir snævurskygdum hugburði hjá nøkrum fáum, siga fýra limir í SU
Oda Kjartansdóttir Strøm, forkvinna í SU, vendir nú eisini Javnaðarflokkinum bakið
Mynd: Savnsmynd  
 
 

Beint fyri døgurða sendu limir i SU, sum er ungmannafelagið hjá Javnaðarflokkinum, út tíðindaskriv, har boðað verður frá, at teir ikki longur eru partur av Javnaðarflokkinum. Í skrivinum stendur millum annað:

"Tíverri valdi Javnaðarflokkurin enn eina ferð at boyggja seg fyri teimum, sum ikki vilja, at allir borgarar skulu javnsetast. Enn eina ferð varð politikkurin lagaður eftir snævurskygda hugburðinum hjá nøkrum fáum."

"Vit kenna ikki, at javnaðarhugsjónin verður umboðað, sum hon eigur og skal í einum Javnaðarflokki," stendur í tíðindaskrivinum.

Sonja ringa viðferð

Umframt hetta eru vit serstakliga hørm um ta viðferð, Sonja Jógvansdóttir hevur fingið í Javnaðarflokkinum. Tað er fulkomiliga óhoyrt, at ein politikari, sum hevur fingið yvir 1000 persónligar atkvøður, verður settur uttan fyri ávirkan. Tað er at halda veljaran fyri gjøldur. 

Tað hevði ikki kostað nakað at nevnt borgarliga vígslu í samgonguskjalinum, siga ungu javnaðarfólkini. 

- Vit vóru vónrík valnáttina og sóu fyri okkum, at nú var tíðin endiliga komin, har homofobarnir høvdu mist takið. Men vit síggja í dag, at so er tíverri ikki, siga tey fýra fólkini, sum hava tikið seg úr SU.

Teirra millum er forkvinnan. Oda Kjartansdóttir Strøm, sum sjálv stillaði upp á javnaðarlistanum til løgtingsvalið. Hon vildi ikki vera við í tíðindasendingini í útvarpinum á døgverða í dag.

Nýggjastu sendingar í ÚV
Sunnudag 17. desember
Jól
75561
Leygardag 16. desember
ALSO: Bjóðið vinmanninum við!
75612
Leygardag 16. desember
Morgunlestur leygardagur 16.desember 2017
75338
Fríggjadag 15. desember
Jazzofonin 13. desember 2017
75580
Nýggjastu sendingar í SV
Hósdag 14. desember
Koba & Vatnhamar II (4:4)
75534
Mikudag 13. desember
25 minuttir: Ronnie Midjord
74873
Sunnudag 10. desember
Andaktin
75323
Sunnudag 10. desember
Møti úr Ebenezer í Havn
75324
Hósdag 7. desember
Millum himmal og helviti
75220