Sámal Erik Hentze skal venja Víking

16.09.2015 - 21:40
ÍtrótturFótbóltur
Sámal Erik Hentze skal venja Víking
Sámal Erik Hentze og Víkingur hava í kvøld skrivað undir sáttmála fyri komandi kappingarár
Sámal Erik Hentze skal nú royna at fáa Víking heilt upp í toppin í føroyskum fótbólti. Hann hevur í kvøld skrivað undir sáttmála við Víking
 

Tað verður Sámal Erik Hentze, sum frá komandi ári skal standa á odda fyri besta liðnum hjá Víkingi. Sáttmáli er gjørdur fyri komandi kappingarár, skrivar vikingur.fo í kvøld.

Sorin Anghel, sum í løtuni er hjálparvenjari hjá Sámal Eriki í AB, fylgir við til Víking.

Víkingur hevur undir Sigfríði Clementsen vunnið steypakappingina fýra ferðir. Felagið hevur eisini spælt seg víðari í evropeiskum kappingum.

Víkingur fer eisini at styrkja leikarahópin

Men enn er felagið ikki endað hægri enn á einum triðja plássi í landskappingini. Sámal Erik Hentze skal nú royna at fáa Víking heilt upp í toppin í føroyskum fótbólti. 

Sum skilst fer Víkingur eisini at styrkja leikarahópin. Hans Pauli Samuelsen, B36, váttaði fyrr í dag fyri Norðlýsinum, at hann í løtuni tosar við Víking um sáttmála.

Víkingur vann fyrr í ár steypakappingina og er í løtuni á triðja plássi í landskappingini.

 
Nýggjastu sendingar í ÚV
Týsdag 18. februar
Breddin
104990
Týsdag 18. februar
Nón 18. februar 2020
104988
Týsdag 18. februar
Dagsins yrking - Hinumegin vindeygað
104238
Týsdag 18. februar
Góðan morgun Føroyar 18. februar
104969
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891