Sonja J. Jógvansdóttir farin úr Javnaðarflokkinum

bannari
16.09.2015 - 00:20
AktueltPolitikkur
Sonja J. Jógvansdóttir farin úr Javnaðarflokkinum
Sona J. Jógvansdóttir er ikki longur partur av tingmanningini hjá Javnaðarflokkinum
Málið um borgarliga vígslu, sum ikki er nevnt í samgonguskjalinum, fekk í nátt Sonju J. Jógvansdóttir at taka seg úr tingmanningini hjá Javnaðarflokkinum
 

Sonja J. Jógvansdóttir, sum fekk 1021 atkvøður á løgtingsvalinum, boðar í nátt frá, at hon ikki longur er partur av tingmanningini hjá Javnaðarflokkinum.

Orsøkin er málið um borgarliga vígslu hjá samkyndum, sum ikki verður nevnt í samgonguskjalinum.

Sonja J. Jógvansdóttir skrivar soleiðis á sínum almenna facebookvanga:

-Eg havi í kvøld boðað formanninum í Javnaðarflokkinum frá, at eg ikki longur eri partur av tingmanningini hjá Javnaðarflokkinum. Eg stuðli framvegis samgonguni, men tað verður sum leysgangari.

Orsøkin til hesa støðu er, at eg sum samkynd ikki kann verða partur av einum politiskum flokki, sum í samgongusamráðingunum hevur blokerað fyri, at borgarlig vígsla hjá samkyndum verður partur av samgonguskjalinum, ella at tað yvirhøvur verður nevnt.

Hetta er stórt spell, tí eg veit, at tað eru nógv í Javnaðarflokkinum og í tingmanningini, sum taka undir við borgarligari vígslu av samkyndum, men tíverri eru tað teir fáu, sum rópa harðast sum sleppa at seta dagskránna í flokkinum í hesum máli.

Eg kann ikki verða partur av einum flokki, har tað er ein homofobiskur hugburður hjá nøkrum fáum sum ræður, tá tað kemur til rættindini hjá einum minniluta.

Sonja Jógvansdóttir skrivar eisini, at hóast hon nú er farin úr Javnaðarflokkinum, so stuðlar hon framvegis samgonguni, tí hon ynskir at hála føroyskan politikk til vinstru.

 
Nýggjastu sendingar í ÚV
Sunnudag 24. januar
Meg minnist: Pætur Rasmussen (3:4)
118903
Sunnudag 24. januar
Guðstænasta úr Kvívíkar kirkju.
119347
Leygardag 23. januar
TEMAPLÁTAN: Van Halen, Van Halen, 1978
119342
Leygardag 23. januar
Ein váðafull bumbuferð
118473
Nýggjastu sendingar í SV
Sunnudag 24. januar
Andaktin
119359
Sunnudag 24. januar
Guðstænasta í Kvívíkar kirkju.
119351
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181