Annika farin upp í Framsókn

bannari
17.09.2015 - 10:27
AktueltPolitikkur
Annika farin upp í Framsókn
Nú eru 18 fólk í landsstýrissamgonguni
Páll á Reynatúgvu, løgtingsformaður, kunngjørdi fyri løtu síðani, at Annika Olsen hevur boðað frá, at hon nú er partur av tingmanningini hjá Framsókn
 

Páll á Reynatúgvu, løgtingsformaður, kunngjørdi fyri løtu síðani, at Annika Olsen hevur boðað frá, at hon nú er partur av tingmanningini hjá Framsókn.

Tað hevur ligið á ljóði, síðani Annika Olsen herfyri tók seg burtur úr Fólkaflokkinum, at hon var á veg upp í Framsókn, og tað varð so staðfest á tingfundinum fyri løtu síðani.

Sostatt eru 18 fólk í landsstýrissamgonguni.

Sonja Jógvansdóttir tók seg úr Javnaðarflokkinum í gjár, men hon hevur gjørt greitt, at hon framvegis styðjar landsstýrissamgonguna.

Nevndarval

At Annika Olsen er farin upp í Framsókn, og harvið er partur av samgonguni, hevur týdning fyri nevndarvalið í løgtinginum. Tað ljóðar, at hon skal vera formaður í fíggjarnevndini. 

Umframt samgonguflokkarnar eru Nýtt Sjálvstýri og Sonja Jógvansdóttir eisini við í valbólkinum hjá samgonguni. Hesin valbólkurin hevur 20 sessir í tinginum.

Fólkaflokkurin, Sambandsflokkurin og Miðflokkurin eru gingnir í valbólk. Teir hava 13 sessir í tinginum. 

Nevndarval stóð á skránni fyri tingfundinum, sum varð settur klokkan 10, men tað er útsett til klokkan 14.

 
Nýggjastu sendingar í ÚV
Sunnudag 29. november
Credo: Nýggj lungu og nýtt lív
116845
Leygardag 28. november
Á Quiztinum - 2. hálvfinala
116908
Leygardag 28. november
TEMAPLÁTAN: Eye of the Tiger, Survivor, 1982
116907
Leygardag 28. november
Jambalaja 281120
116905
Nýggjastu sendingar í SV
Leygardag 28. november
Fótbóltur: Víkingur - B36
116909
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610