Joen Magnus í tingið

bannari
Joen Magnus í tingið
Joen Magnus Rasmussen er nummar seks á listanum hjá Fólkaflokkinum. Hann fekk 278 atkvøður á løgtingsvalinum
 
21.09.2015 - 09:04

Nú Annika Olsen hevur boðað frá, at hon fer at biðja um farloyvi úr løgtinginum, kemur Joen Magnus Rasmussen úr Fólkaflokkinum í tingið. Hann er nummar seks á listanum.

Annika Olsen var millum tey seks, vórðu vald fyri Fólkaflokkin á løgtingsvalinum 1. september. Men beint eftir valið tók hon seg úr Fólkaflokkinum, sum tí misti ein tingsess. 

Á tingfundinum hósdagin, tá nevndarval var á skránni, boðaði Annika Olsen frá, at hon var farin upp í Framsókn, og hon varð síðani vald til forkvinnu í fíggjarnevndini. 

Í gjárkvøldið boðaði Annika Olsen so frá, at hon var farin úr Framsókn og fíggjarnevndini, og at hon nú fer í farloyvi.

Á løgtingsvalinum fekk Joen Magnus Rasmussen fekk 278 atkvøður, fimm fleiri enn Janus Rein. 

 

 

 

 

Er kopiera
Nýggjastu sendingar í ÚV
Mánadag 14. juli
Poppverturin
194204
Mánadag 14. juli
RagnarRokk: Jean-Ken Johnny um X.V. e.p.
194122
Mánadag 14. juli
Morgunlestur mánadagur 14.juli 2025
194085
Nýggjastu sendingar í SV
Mánadag 14. juli
3-2
194470
Sunnudag 13. juli
Kappróður á fjarðastevnu
194401
Leygardag 12. juli
Video: 10 mannafør á Fjarðastevnu 2025
194390