Skiparin á Sam Simon skal fortelja sína útlegging

Skiparin á Sea Shepherd-skipinum skal avhoyrast um tilburðin í Nólsoyarfirði fríggjadagin, tá ein útróðrarmaður úr Havn var um at verða niðursigldur

Skiparin á Sam Simon hjá Sea Shepherd skal nú fortelja sína útlegging av eini hending fríggjadagin, tá ein útróðrarmaður segði, at skipið nærum sigldi hann niður í Nólsoyarfirði

Brynhild Thomsen

Bjarni Mohr

23.09.2015 - 12:37

Men løgreglan skal fyrst hava Sjóvinnustýrið at greina, hvørji lógarbrot talan kann vera um. Hetta sigur Jón Klein Olsen, varapolitikommisserur.

Tað var út móti hálvgum seks fríggjakvøldið, at Carl August Arge, útróðrarmaður úr Havn, varð illa skakaður av Sam Simon. Hann var tá staddur stutt norðan fyri Hoyvíkshólm.

SÍ EISINI Skelkaður av framferð hjá Sea Shepherd

Fleiri avhoyringar eru gjørdar í hesum málinum, og sum nevnt, so skal skiparin á Sam Simon eisini avhoyrast, tá Sjóvinnustýrið hevur sagt sína hugsan um møguligu lógarbrotini.

Sam Simon er eisini meldaður fyri ein annan tilburð sunnan fyri Borðoyanes leygardagin. Men tað málið verður slept, sigur Jón Klein Olsen, tí mett verður ikki, at grundarlag er fyri at fara víðari við tí.

Løgreglan miðar ímóti at koma víðari við málinum í Nólsoyarfirði seinni í hesari vikuni, sigur Jón Klein Olsen, varapolitikommisserur.