Vil hava tunlarnar Norður um Fjall framskundaðar

24.09.2015 - 13:22
AktueltPolitikkur
Vil hava tunlarnar Norður um Fjall framskundaðar
Elsebeth Mercedis Gunnleygsdóttir, løgtingskvinna, hevur sett Henriki Old, landsstýrismanni í samferðslumálum, skrivligan fyrispurning í málinum
 

Elsebeth Mercedis Gunnleygsdóttir, løgtingskvinna fyri Fólkaflokkin, heldur tað vera ábyrgdarleyst at bíða við tunlunum Norður um Fjall til 2021, sum ásett er í langtíðaríløguætlanini. Teir eiga at verða framskundaðir, tá hugsað verður um trygdina og øktu ferðsluna, sigur hon.

Elsebeth Mercedis Gunnleygsdóttir hevur sett Henriki Old, landsstýrismanni í samferðslumálum, skrivligan fyrispurning í málinum.

Hon spyr, um landsstýrismaðurin fer at kanna, hvussu nógv bíligari tað er hækka og breiðsla verandi tunlar Norður um Fjall heldur enn at byggja nýggjar, so tað verður møguligt fíggjarliga at fara undir arbeiðið fyrr.

Bíligari loysn

Elsebeth Mercedis Gunnleygsdóttir vísir á, at løgtingsins rættarnevnd var í Sveis í 2013 og kunnaði seg um møguleikarnar at hækka og breiðka tunlar, í staðin fyri at byggja nýggjar. Upplýst varð, at tað er bíligari at breiðka og hækka tunlar, men tað eru ymisk viðurskifti í hvørjum einstøkum føri, sum ávirka, m.a. hvussu nógva tímar arbeiðast kann um samdøgrið. 

Hon spyr eisini Henrik Old, um hann hevur nakrar ætlanir um at gera nakað við trygdina í tunlunum, m.a. at seta bummar uttanfyri, samskifti í tunlunum, tá neyðstøða er, og útgerð til sløkkiliðini í tunlunum. 

 

 

 

 
Nýggjastu sendingar í ÚV
Mikudag 30. september
Breddin
114184
Mikudag 30. september
Nón 30. september 2020
114176
Mikudag 30. september
Góðan morgun Føroyar 30.10.2020
114160
Mikudag 30. september
Morgunlestur mikudagur 30. september 2020
113941
Týsdag 29. september
Breddin
114137
Nýggjastu sendingar í SV
Mikudag 30. september
Úr savninum: Matur og matgerð
114180
Mánadag 28. september
3-2
114081
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andakt við Ólavi Jacobsen
114007
Mikudag 23. september
Úr savninum: Matur og matgerð
114188