Arbeiðsloysið minkar framvegis

Hjá monnum er arbeiðsloysið í Føroyum nú 2,1 prosent og hjá kvinnum er arbeiðsloysið nú 3,4 prosent, upplýsir Hagstovan.

Bæði hjá monnum og kvinnum er arbeiðsloysið størst í aldursbólkinum 25-34 ár og samanumtikið eru tey fægstu arbeiðsleysu millum 45 til 54 ár.

Størsta  arbeiðsloysið í Suðuroy

Lutfalsliga er minsta arbeiðsloysið í Sandoyar sýslu, har tað er 1,8 prosent, og har er minsti munurin millum menn og kvinnur.

Størst er arbeiðsloysið í Suðuroynni, 5,1 prosent hjá kvinnum og 4,0 prosent hjá monnum. Størsti munur millum kynini er í Vága sýslu

Í Vága sýslu er arbeiðsloysið 1,1 prosent hjá monnum og 3,9 hjá kvinnum, sambært nýggju tølunum hjá Hagstovu Føroya.