Stjórin í Heilsutrygd farin frá

Jan Danielsen er ikki longur stjóri í Heilsutrygd.

Hann og Heilsumálaráðið samdust í síðstu viku um eina fráfaringaravtalu, tí partarnir eru ósamdir um fyrisitingina á stovninum, sigur Sirið Stenberg, landsstýriskvinna í Heilsumálum, sum ikki vil koma nærri inn á ósemjuna.

Landsstýriskvinnan sigur, at ongar ætlanir er um at niðurleggja Heilsutrygd.

Egil á Bø, fíggjarleiðari í Heilsutrygd, røkir stjórastarvið fyribils, til nýggjur stjóri er settur.