- Tíðindi, mentan og ítróttur
Flogin á Landssjúkrahúsið eftir ferðsluóhapp
Flogin á Landssjúkrahúsið eftir ferðsluóhapp
Hálkan kom óvart á eina kvinnu í Sandoynni, ið koyrdi út av vegnum sunnanfyri Skopun fyrr í morgun. Sera hált var ymsa staðni í lýsingini
Ein kvinna í Sandoynni varð í morgun flogin við tyrlu á Landssjúkrahúsið, eftir at kvinnan koyrdi út av vegnum umleið ein kilometur sunnanfyri Skopun, í hálkuni í lýsingini
15.11.2015 - 11:36
Ein kvinna varð um níggju tíðina í morgun flutt á Landssjúkrahúsið eftir at hon koyrdi út av vegnum í Sandoynni, upplýsir vakthavandi á politistøðini í Havn.
Ferðsluóhappið hendi umleið ein kilometur sunnanfyri Skopun, tá kvinnan koyrdi út av vegnum í ringu hálkuni, sum var ymsa staðni í lýsingini í morgun.
Kvinnan, sum var í bilinum, hevði pínu í rygginum eftir ferðsluóhappið. Tí varð kvinnan flutt á Landssjúkrahúsið við tyrlu, verður upplýst á politistøðini.
Bilurin hjá kvinnuni var væl skøddur, men tað gjørdist sera hált ymsa staðni í lýsingini í morgun, verður upplýst á politistøðini.
Er kopiera
Nýggjastu sendingar í ÚV
Nýggjastu sendingar í SV
