Tingast um støðuna hjá bjargingarfólkum

Tingast um støðuna hjá bjargingarfólkum
Í dag verður fundur í Vanlukkutryggingarráðnum um støðuna hjá teimum, sum sjálvboðin manna bjargingarbátarnar
Fundur verður í dag í Vanlukkuráðnum um støðuna hjá teimum, sum sjálvboðin manna bjargingarbátarnar
 
26.11.2015 - 10:09

Ivi er um tryggingarnar hjá hesum sjálvbodnu fólkunum, og tí liggja bátarnir, allir uttan Ziska í Klaksvík, til greiða er fingin á tryggingarviðurskiftunum.

Ivin kom til sjóndar, tá ein ung kvinna, sum sjálvboðin var við bjargingarbátinum Lív, fekk skaða í knæið. Hon kundi onga skaðabót fáa, tí eingin trygging var, sum tók við.

Høgni Hoydal, landsstýrismaður, hevur svarað Bjørn Kalsø, løgtingsmanni, sum spurdi um tilbúgvingina á sjónum.

Brimil tøkur aftur í morgin

Høgni Hoydal svarar, at hann hevur fingið at vita frá Samferðslumálaráðnum, at fundur verður í Vanlukkutryggingarráðnum í dag um vantandi trygging hjá bjargingarfólkum.

Fiskimálaráðið tekur málið upp í samskifti við Samferðslumálaráðið eftir viðgerðina í Vanlukkutryggingarráðnum. Høgni Hoydal sigur eisini, at seinastu árini hevur játtan bara verið til at manna Tjaldrið helvtina av árinum.

Brimil hevur verið á beding, men verður tøkur aftur í morgin. Danska sjóverjuskipið Triton hevur verið til venjingar í Noregi, og skuldi eftir ætlan vera aftur í Føroyum í gjár.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652